കാടാറു മാസം

കാടാറു മാസത്തിൻ
കരിക്കാടിക്കോലങ്ങൾ
കാവടിയാടുന്നെന്നിടനെഞ്ചുതുടിയായ്
രാവേറെയായപ്പോൾ പടിപാതി ചാരീട്ടു
ഇരുളിലലിഞ്ഞങ്ങുപോകുന്നെഞാനും

പിൻവിളി കേട്ടില്ല, പിന്നാക്കം നോക്കീല്ല
പാതിരാപ്പുള്ളുകൾ പാട്ടൊന്നുംപാടീല്ല
മെയ്യാകെതളർന്നിട്ടും മൊഴികളിട്ടറീട്ടും
അമ്പിളിത്തെളിനീര് കൺകോണിൽ തിളങ്ങീട്ടും

മുന്നോട്ടു പോണു ഞാൻ
പിന്നോട്ടിനിയില്ല
പാതിരാതാരമേ നീ വഴി കാട്ടുക...